بەفەرمانی ترەمپ لێکۆڵینەوە لەو پۆلیسە دەکرێت کە هاووڵاتییە ڕەشپێستەکەت کوشت

SNN

دۆناڵد ترەمپ سەرۆکی ویلایەتە یەگرتووەکانی ئەمریکا ئاماژەی بەوەکرد، وەزارەتی دادی ئەمریکا و مەکتەبی لێکۆڵینەوەی فیدراڵی (FBI)، دەستیانکردووە بەلێکۆلێنەوە دەربارەی رووداوی کوشتنی هاووڵاتییەکی رەشپێستی ئەمریکی لەلایەن پۆلیسێکەوە.

ترەمپ لە تویتێکدا دەڵێت: هەموان خەمباربووین بە مەرگی جۆرج فلۆید، FBI و وەزارەتی داد دەستیانکردووە بە لێکۆڵینەوە لە رووداوەکە، پێویستە یاسا خێرا دەستبکات بە لێکۆڵینەوەو هۆکاری مردنی ئەو کەسە.

گرتە ڤیدیۆی گیانلەدەستانی جۆرج فلیۆد بە دەستی پۆلیسێکی ئەمریکی، شەقامەکانی ئەمریکای هەژاند، لەکاتێکدا پۆلیسێک قاچی خستۆتە سەر ملی و جۆرجیش هاوار دەکات ” تکایە گەورەم خەریکە دەخنکێم، من ناتوانم هەناسە بدەم”، پاش پێنج خولەک هاووڵاتییە رەشپیستەکە گیانلەدەست دەدات، لە شوێنی گیانلەدەستدانی جۆرجدا چەندین گردبوونەوەی ناڕەزایی ئەنجامدراو داوای یەکسانی ڕەشپێست و سپی پێست و دەستگیرکردنی ئەو پۆلیسەیان کرد.