رۆژى كۆنگرهى پێنجهمى یهكێتى دیاریكرا
كۆبوونهوهى مهكتهبى سیاسى یهكێتیى نیشتمانیی كوردستان كه له كهركوك به سهرپهرشتى بافڵ جهلال تاڵهبانى، سهرۆكى یهكێتى | فۆتۆ: PUK Media
SNN
له كۆبوونهوهى ئهمڕۆى مهكتهبى سیاسى یهكێتى نیشتمانی كوردستان كه له كهركوك بهڕێوهچوو به سهرپهرشتى بافڵ جهلال تاڵهبانى، سهرۆكى یهكێتى بڕیاریدرا رۆژى 27ى ئهیلولى ئهمساڵ كۆنگرهى پێنجهمى یهكێتى ببهسترێت.
له راگهیهنراوێكدا كه كهمێك لهمهوبهر لهلایهن مهكتهبى سیاسى یهكێتی نیشتمانی كوردستان بڵاوكراوهتهوه هاتووه، “بڕیاردرا رۆژی 27ی ئهیلولى 2023 کۆنگرەی پێنجەمی یەکێتی ببەسترێت”.
دهقى راگهیهنراوهكه
ئەمڕۆ یەکشەممە بە سەرپەرشتیی بافڵ جەلال تاڵەبانی، سەرۆکی یەکێتیی نیشتمانیی کوردستان، مەکتەبی سیاسی لە شاری کەرکوک کۆبووەوە.
لە سەرەتای کۆبوونەوەکەدا سەرۆکی یەکێتی دەربارەی کۆی کێشە سیاسییەکان بەرچاوڕوونیدا و رایگەیاند، “یەکێتی لەسەر هێڵە نیشتمانی و کوردستانییەکان بۆ داکۆکیکردن لە کۆمەڵانی خەڵکی کوردستان بەردەوامە، هەروەها جیاکردنەوەی دۆسیەی ململانێی سیاسیی لایەنەکان و نێوان هەرێم و بەغدا لەپێشینەی کارەکانمانە و ژیان و گوزەرانی خەڵکەکەمان لای یەکێتی هێڵی سوورە و بەهەمووشێوەیەک داکۆکی لێدەکەین”.
سەرۆک بافڵ بە خۆشحاڵییەوە هەڵوەستەی لەسەر پەیوەندییە گەشەسەندووەکانی یەکێتی لەسەر ئاستی کوردستان، عیراق و نێودەوڵەتی کرد و ئەوەشی بۆ یەکهەڵوێستی و یەکبڕیاریی سەرکردایەتی یەکێتی گەڕاندەوە. هەروەها دەستخۆشی لە هەڤاڵان کرد و جەختی لە پاراستنی ئەو پرەنسیپە گرنگە کردەوە و رایگەیاند، “ستراتیژی نەگۆڕمان لەخزمەتی گەلەکەماندایە و کەرکوکیش کە بەشێکە لە جەستەی یەکێتی، وەک قودسی کوردستان دەمێنێتەوە و پارێزگاری لە گیانی پێکەوەژیان دەکەین”.
کۆبوونەوەکە کە لە بارەگای مەکتەبی سیاسی لە کەرکوک ئەنجامدرا، تەوەرە سیاسییەکان، کاری رێکخراوەیی و ئۆرگانەکان و ئەنجامدانی کۆنگرەی پێنجەمی یەکێتی گفتوگۆی چڕ و بەرپرسانەی لەبارەوەکرا و وەک ئیستحقاقی حزبی، دیموکراسی، لەپێناو جۆشدانەوەی گیانی یەکێتیبوون، بڕیاردرا رۆژی 27ی 9ی 2023 کۆنگرەی پێنجەمی یەکێتی ببەسترێت.
هەر لە درێژەی کۆبوونەوەکەدا چەندین پرسی پەیوەست بە دۆخی گشتیی وڵات گفتوگۆیان لەبارەوەکرا و بڕیاری پێویست و نیشتمانییانەیان لێدرا.
