هاکان فیدان سەردانی بەغدا و هەولێر دەکات
وتەبێژی وەزارەتی دەرەوەی عێراق رایگەیاند، هاکان فیدان، وەزیری دەرەوەی تورکیا ئەمڕۆ بە سەردانێکی فەرمی دەگاتە بەغدا و ماوەی دوو رۆژ دەمێنێتەوە.
ئەحمەد سەحاف، وتەبێژی وەزارەتی دەرەوەی عێراق رایگەیاندووە، ئەمڕۆ سێشەممە، هاکان فیدان، وەزیری دەرەوەی تورکیا بەسەردانێکی دوو رۆژە دەگاتە بەغدا و هەرێمی کوردستان.
پێشتریش پێشەوا ههورامانی، وتهبێژی حكومهتی ههرێمی كوردستان رایگەیاند: لەم هەفتەیەدا وەزیری دەرەوەی تورکیا سەردانی عێراق و هەرێمی کوردستان دەکات و لە هەولێر لەگەڵ سەرۆکوەزیرانی هەرێمی کوردستان کۆدەبێتەوە”.
بە گوێرەی زانیارییەکان هاکان فیدان لەگەڵ فوئاد حوسێن، وەزیری دەرەوەی عێراق کۆدەبێتەوە، لە کۆبوونەوەکەیاندا تاوتوێی پەیوەندی نێوان هەردوو وڵات دەکەن، هەروەها گفتوگۆ دەربارەی پرسی ئەمنی هاوبەش بۆ پاراستنی ئاسایشی ناوچەکە دەکەن.
سەردانی وەزیری دەرەوەی تورکیا بۆ بەغدا لە کاتێکدایە، لە ٢٥ـی ئادارەوە بەهۆى بڕیارێکی دادگای نێوبژیوانیی نێودەوڵەتی لە پاریس هەناردەى نەوتى هەرێمى کوردستان لەلایەن تورکیاوە راگیراوە .
