لەبارەی گرانبوونی نرخی کارەبا روونکردنەوە دەدرێت

SNN-

ئەندامێکی لیژنەی پێوەری زیرەک رایگەیاند: بەرزی نرخی کارەبا لە پڕۆژەی سیتییەکان بەردەوام دەبێت و بەهۆی سیستەمی پرپەیدیش 320 مۆلیدە کوژاونەتەوە.

عەلی ئیسماعیل، ئەندامی لیژنەی پێوەری زیرەکی کارەبا راگەیاندووە، بەهۆی سیستەمی پریپەیدەوە، 320 مۆلیدە كوژاونەتەوە و كارەبای 55 هەزار بەشداربووش كراوەتە پریپەید، كە 40 هەزار هاوبەشی سیتییەكانن و 10هەزاریش هاوبەشی بازرگانین.

سەبارەت بە گرانبوونی پارەی کارەبا لە سیتییەکان وتیشی: بەرزە نرخ تایبەتە بە چەند پڕۆژەیەكی وەبەرهێنان كە كارەباكەیان بە نرخێكی تایبەتی خۆیان بەردەوام دەبێت، بەڵام لە گەڕەكە ئاساییەكان هەر بە نرخی ئێستا دەبێت و تەنیا شێوازی پارەدانەكەی پێشوەختە دەبێت.

راشیگەیاند: لە 19 ستیی هەولێر، بەكارهێنانی كارەبا لە 34 مێگاواتەوە بۆ 27 مێگاوات دابەزاندووە، هاوكات بەهۆی ئەو سیستمەش، نرخی كارەبا لە نێوان لەسەدا 30 بۆ لەسەدا 40 لەسەر هاووڵاتییان هەرزانتر دەكەوێت.