“ئەو هێزە ئەمریکیەی ئێستا ئاڵوگۆڕی پێکراوە هێزێکی شەڕکەرەو جۆرو ژمارەی چەکەکانیانشیان جیاوازە”
SNN
قەيس خەزعەلى، ئەمینداری گشتی هێزەکانی عەسائیب ئەهلحەق رایگەیاند، وردەکاری تەواومان لە سەر ژمارەو جۆری چەک و بوونی هێزەکانی ئەمریکا لە عێراق هەیە، ژمارەی هێزەکانی ئەمریکا لە عێراق 1500 سەرباز زیاد بووە و زۆربەیان لە سەربازگەی هەریرەوە دەچنە سوریا، ئەو هێزە ئەمریکیەی ئێستا ئاڵوگۆڕی پێکراوە هێزێکی شەڕکەرەو تەنانەت جۆرو ژمارەی چەکەکانیانشیان جیاوازە.
خەزعەلی دەشڵێت: عادل عەبدولمەهدی و حەیدەر عەبادی ئاگاداری بوونی پاڵاوگەی بێجی بوون لە هەرێمی کوردستان و داواشیان کردبوهوه، مستەفا کازمیش ئاگاداری بوونی کەلوپەلەکانی پاڵاوگەی بێجی بوو لە هەرێمی کوردستان کەچی داوای گەڕاندنەوەی نەکرد بەڵام سوودانی کردی.
وتیشی “داعش نەوتی نەینەوا و بێجی و سوریا-ی لە رێگای ههرێمی کوردستان بە قاچاغ فرۆشتوە، لە كاتى شەڕی داعش نەوتی سوریا-ی لە رێگای ههسهدە و بە رێگای کوردستان هەناردەی تورکیا دەکرد، بەڵگەی حاشا هەڵنگرو وێنەی مانگی دەستکردمان لەسەر بەقاچاغبردنی نەوتی سوریا لە رێگای هەرێمی کوردستان هەیە و هێزەکانی روسیاش دزەیان بە بەشێک لە بەڵگەکان کردووە”.
