12 کەس لە هەولێر تووشی کۆرۆنا بوون

SNN

وەزارەتی تەندروستی هەرێم پێنجشەممە 28ی ئایار، تووشبوونی 12 کەسی بە ڤایرۆسی کۆرۆنا لە هەولێر راگەیاند کە نیشانەیان هەبووەو سەردانی نەخۆشخانەیان کردووە.

لە بەردەوامی پشکنینەکان و گەڕان بەدوای گومانلێکراوان، دوازدە تووشبووی دیکەی ڤایرۆسی کۆڕۆنای نوێ COVID-19 لە پارێزگای ھەولێر دەستنیشانکران، پێنج پیاو و پێنج ژن و دوو کچ، حەوت لە تووشبووان بەرکەوتووی تووشبووانی پێشوون، پێنج لە تووشبووان بەهۆی بوونی نیشانەکانی نەخۆشی سەردانی نەخۆشخانەیان کردووە.

شەش لە تووشبووان دانیشتووی ناحیەی عەنکاوەن، شەش تووشبووی تر دانیشتووی گەڕەکەکانی گولان و کامەران ستی و کۆمەڵگای پیرزین و بنەسڵاوەن.