وەزارەتی پەروەردە 800 هەزار مامۆستا بەشێوەی گرێبەست دادەمەزرێنێت
مامۆستایه‌ك له یه‌كێك له قوتابخانه‌كانى عێراق | فۆتۆ: SNN
SNN
وەزارەتی پەروەردەی عێراق رایگەیاند، تا ئیستا 800 هەزار کەس داواکارییان پێشکەشکردووە بۆ دامەزراندن بەشێوەی گرێبەست لەسەر میلاکی وەزارەتەکە و سەرقاڵی هەڵبژاردنی میکانیزمێکی گونجاون بۆ دامەزراندنیان.
لەبارەیەوە، ئەحمەد عەبیدی بەڕێوەبەری راگەیاندنی وەزارەتی پەروەردەی عێراق بە رۆژنامەی سەباحی فەرمی راگەیاند: لە دوای هەفتەیەک لە راگەیاندنی فۆڕمی دامەزراندنی مامۆستا بەشێوەی گرێبەست 800 هەزار کەس ناویان تۆمارکردووە،باسی لەوەشکردووە، لە ئێستادا سەرقاڵی دانانی میکانیزمیکی گونجاون بۆ دامەزراندنی ئەو پێشکەشکارانە، بۆیە لە ئێستادا ماوەی پێشکەشکردن کۆتایی هاتووە و تا ئێستا روون نییە درێژدەکرێتەوە یان نا، بەڵام تا ئیستاش ماڵپەڕی خۆتۆمارکردنەکە چالاکە.
