مهكتهبى سیاسى یهكێتى داواى دادگایی كردنى تهقهكهرهكانى كهركوك دهكات
لۆگۆى یهكێتیى نیشتمانيى كوردستان | فۆتۆ: SNN
SNN
مهكتهبى سیاسى یهكێتى نیشتمانیی كوردستان له پهیامێدا داواى دادگایی كردنى ئهو كهسانه دهكات كه بوونه هۆكارى شههیدكردنى چوار گهنجى كورد له كهركوك، میدیاى فهرمى ئهو حزبهش دهڵێت: “سهرجهم شههیدهكانى كهركوك ههڤاڵ و تێكۆشهرى یهكێتین”.
ئهمڕۆ یهكشهممه 3ى ئهیلول، میدیاى فهرمى یهكێتى لهبارهى ئهو چوار گهنجه كوردهى كه بههۆى گرژییهكانى دوێنێى كهركوك شههید بوون نووسیویهتى، “ژمارەی شەهیدەكانی رووداوە نەخوازراوەكەی كەركوك و پشێوییەكان سێ شەهیدن، كە سەرجەمیان هەڤاڵ و تێكۆشەری ریزەكانی یەكێتیی نیشتمانیی كوردستانن و هۆكاری ئاڵۆزییەكانیش ململانێی سیاسی و شەڕی بارەگای حزبییە و پەنجەی تۆمەتیش بۆ پارتی دیموكراتی كوردستان رادەكێشرێت”.
هاوكات ههر ئهمڕۆ مهكتهبى سیاسى ئهو حزبه له بهیاننامهیهكدا داواى دادگایی كردنى تهقهكهرهكان دهكات كه تێیدا هاتووه، “بەداخەوە دوای درووست بوونی گرژی و ئاڵۆزییەكانی ئێوارەی رۆژی 2ى ئهیلول، لە شاری كەركوك، ژمارەیەك هاووڵاتی كورد شەهید بوون و ژمارەیەكی دیكەشیان برینداربوون، بۆ ئەو رووداوە دڵتەزێن و نەخوازراوە پرسەو سەرەخۆشی لە خۆمان و كەسوكار و خانەوادەی سەربەرزی ئەو شەهیدانە دەكەین، هەروەك هیوای زوو چاكبوونەوەش بۆ بریندارەكان دەخوازین. ئێمە لە یەكێتیی نیشتمانیی كوردستان داوا لە سەرۆك وەزیرانی عیراق و لایەنە پەیوەندیدارەكان دەكەین، بە زوویی ئەوانەی كە تەقەیان بە رووی خوپێشاندەراندا كردووە بە سزای خۆیان بگەن و روبەڕووی یاسا بكرێنەوە”.
نوێدهكرێتهوه….
