ئەو کچە مۆدێلەی بە نەعل هێرشی کردە سەر ئەفسەرێک حوکمدرا
SNN
دادگای تاوانەکانی کەرخ لە بەغدا سزایی زیندانیکردنی بۆ ئەو کچە مۆدێلە دەرکرد، کە خۆی و هاوڕێکەی بە نەعل هێرشیان کردبووە سەر ئەفسەرێکی هاتوچۆ.
ئەمڕۆ دوو شەممە 5ی ئەیلول، دادگای تاوانەکانی کەرخی بەغدا سزایی شەش مانگ و 20 رۆژ زیندانیکردنی بۆ شەهد تائی کچە مۆدێل و هاوڕێکەی دەرکرد، ئەم بڕیارە بەپێی بڕگەی ماددەی 38 لە یاسای هاتووچۆی ژمارە 8ی ساڵی 2019ی عێراقدا دەرچووە.
پاش بڵاوبوونەوەی ئەو کارەی کچە مۆدێلەکە، ئهنجوومهنی باڵای دادوهری عێراق بڕیاریدا، به سزادانی شههد تائی و هاوڕێکەی، پاش ئهوهى ئهوهى لە 28ی تەمموزی ئەمساڵ پۆلیسی عێراق بە تۆمەتی هێرشکردنە سەر ئەفسەرێکی هاتووچۆ ئەو کچە مۆدێلە و هاوڕێکەیان دەستگیری کرد.
لە مانگی تەمموزی ئەمساڵدا گرتە ڤیدیۆیەکی شههد تائی و هاوڕێكهی لە تۆرە کۆمەڵایەتییەکان بڵاوکرایەوە، کە به پێڵاو و نهعل هێرشیان كرده سهر رائید موههنهد جهمیل ئهفسهری هاتووچۆ، ئەمە له كاتێكدا ئهو ئەفسەرە لە کاتی ئەنجامدانی ئەرکەکەیدا بووە، ئەم کارەیان کاردانەوە و نارەزای خەڵکی بەدواداهات.
