نرخی نەوت دابەزی

SNN-

ئەمڕۆ چوارشەممە 20ی ئەیلولی 2023، لەکاتی کردنەوەی بازاڕەکانی وزەدا نرخی یەک بەرمیل نەوتی برێنت بۆ 93 دۆلار و 33 سەنت دابەزی.

هەروەها نرخی یەک بەرمیل نەوتی خاوی ئەمریکی بە 90 دۆلار و 38 سەنت مامەڵەی پێوەدەکرێت.

ئەوە لە کاتێکدایە کە دوێنێ سێشەممە 19-09-2023 نرخی یەک بەرمیل نەوتی برێنت نزیکبووەوە لە 96 دۆلار، نرخی نەوتی سووکی تەکساسی ئەمریکاش بۆ زیاتر لە 94 دۆلار بەرزبووەوە.

پێشتر ئەلکساندەر نۆفاک جێگری سەرۆک وەزیرانی روسیا رایگەیاندبوو، تا کۆتایی ئەمساڵ بەرهەمهێنانی 300 هەزار بەرمیل نەوتی رۆژانە کەمدەکەوەنەوە و رێکخراوی ئۆپیک پڵەسیش رایگەیاند، ئەندامانی رێکخراوەکە رێککەوتوون لەسەر کەمکردنەوەی بەرهەمهێنانی نەوت تا ساڵی 2024.