“ئهندامانی مهكتهبی سیاسی بۆ 10 كهس كەمدەکرێنەوە و سێ ئهنجومهنی باڵا پێكدههێنرێن”
SNN-
لێپرسراوی مهكتهبی رێكخستنی یهكێتیی نیشتمانیی كوردستان رایگەیاند، لە کۆنگرەیە پێنجەمی یەکێتیدا ژمارهی ئهندامانی مهكتهبی سیاسی بۆ 10 كهس كەمدەکرێنەوە و سێ ئهنجومهنی باڵا پێكدههێنرێن.
سهركهوت زهكی، لێپرسراوی مهكتهبی رێكخستنی یهكێتیی نیشتمانیی كوردستان، بە میدیای فەرمی یەکێتی راگەیاندووە کە پێشنیاری دروستكردنی سێ ئهنجومهنمان كردووه، كه بریتین له ئهنجومهنی باڵای سیاسی و بهرژهوهندییهكان و ئهنجومهنی سهركردایهتی و ئهنجومهنی پشتیوانی.
راشیگەیاندووە”ئهنجومهنی باڵای سیاسی و بهرژهوهندییهكان، كه رهنگه رێڕهوهكهی و شێوازی كاركردنی بگۆڕدرێت و چالاكتر بێت، له كۆنگرهدا بڕیاری لێدهدرێت و دواتر ئهندامهكانی لهلایهن سهرۆكهوه دهستنیشان دهكرێن و بڕیاری لێدهدرێت، هاوكات رهنگه لهكۆنگرهدا ناوی بگۆڕدرێت به ئهنجومهنی پاراستنی بهرژهوهندییهكانی یهكێتی”.
ئاماژەی بەوەشکردووە، کە ئهنجومهنێكی دیكه ئهنجومهنی سهركردایهتییه، كه پێكدێت له 51 ههڤاڵ كه یهك سهرۆك و 50 ئهندامی دهبێت، ههروهها ئهنجومهنهكهی تر ئهنجومهنی پشتیوانییه و راستهوخۆ سهرۆك خۆی سهرپهرشتی دهكات، كه ڕهنگه 100 ئهندامی ههبێت”.
“ئەنجوومەنی پشتیوان، ئهنجومهنێكه بۆ هێنانه پێشهوهی كادری نوێ و گهنجان و ژنان، كه دهبێته ناوهندێك بۆ دروستكردنی سهركردایهتی له داهاتوودا و دهستهیهكی كارا دهبێت و بهپێی راسپاردهكانی سهرۆك ئهركهكانیان جێبهجێ دهكهن” سەرکەوت زەکی وادەڵێت.
ئاماژەی بەوەشکردووە:”ههر لهكۆنگرهی پێنجهمدا پهیڕهوی ناوخۆی یهكێتی ههموار دهكرێتهوه و مهركهزییهت لهناو حزبهكهدا دهچهسپێت و لهدوای كۆنگرهوه ههموو بڕیارێك به كۆدهنگی دهبێت و یهكێتی دهبێتهوه به یهكێتی خهڵكانی رهنجدهر و زهحمهتكێش و لهپێناو خزمهتكردنی باشتری كۆمهڵانی خهڵك گۆڕانكاری لهشێوازی بهڕێوهبردن دهكات”.
