ئاماری کوژراو و برینداری نێوان فەلەستین و ئیسڕائیل گەیشتووەتە ئاستێکی مەترسیدار

SNN

ژمارەی کوژراو و بریندارانی شەڕی نێوان حەماس و ئیسرائیل بەردەوام لە زیابووندایە و گەیشتووەتە زیاتر لە 3300 کوژراو و زیاتر لە 10 ھەزار بریندار.

وەزارەتی تەندروستی فەڵەستین رایگەیاند، بەھۆی بەردەوامی ھێرشەکانی سوپای ئیسرائیل بۆ سەر کەرتی غەززە و چەند ناوچەیەکی تری فەڵەستین، تا بەرەبەیانی ئەمڕۆ ژمارەی کوژراوان گەیشتووەتە 1900 کەس کە 614 منداڵ و 370 ژن لە ناو کوژراوەکاندان و7696 کەسیش بریندارن کە دوو ھەزاریان منداڵ و 1400یشیان ژنن.

میدیاکانی ئیسرئیلیش بڵاویانکردوەتەوە، بەھۆی ھێرشە مووشەکییەکیانی حەماس بۆ سەر سوپا و ناوچە جیاجیاکانی ئیسرائیل تائێستا زیاتر لە 1500 کەس کوژراون کە نزیکەی 270یان سەربازن و زیاتر لە سێ ھەزار کەسیش بریندارن.