بەغدا رێگایەکی نوێ بۆ دابەشکردنی مووچەی فەرمانبەران دەگرێتە بەر

SNN-

سەرۆكی فراكسیۆنی یەكێتی لە ئەنجومەنی نوێنەرانی عێراق رایگەیاند، چاوەڕواندەكرێت هەفتەی داهاتوو شاندی هەرێم سەردانی بەغدا بكاتەوە و حكومەتی عێراقیش دەیەوێت لە رێگای بانكی حكومییەوە مووچەی مووچەخۆرانی هەرێمی كوردستان دابەشبكات.

هەرێم كەمال ئاغا، سەرۆكی فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق رایگەیاندووە:” لە دوا سەردانی شاندی هەرێم و كۆبوونەوەیان لەگەڵ وەزیری دارایی عێراق و لیژنەی دارایی ئەنجومەنی نوێنەران باس لە لیستی مووچە و میلاكات دەروازە سنوورییەكان و داهاتەوە كراوە كە هەردوولا كۆكبوون لەسەر چارەسەركردنی كێشەكان”.

راشیگەیاندووە،:”حكومەتی عێراق دەیەوێت لە رێگای بانكی حكومییەوە مووچەی مووچەخۆرانی هەرێمی كوردستان دابەشبكات و ئومێدەوارین لەم ماوەیەدا كێشەكان چارەسەربكرێن و نابێت چیتر مووچەخۆران باجی هیچ ناكۆكییەكی سیاسی بدەن”.