گوندێکی نزیک کەرکوک هاوەن باران کرا
سووتانی دەغڵ و دانی هاووڵاتیان
SNN- عیماد جەباری
بەهۆی هاوەنبارانکردنی گوندێکی باشووری کەرکوک لەلایەن کەسانی نەناسراوەوە، ئاگر لەپانتاییەکی زۆری دەغڵودان کەوتەوە.
سەرچاوەیەک لەپۆلیسی کەرکوک بە SNNی راگەیاند: شەوی رابردوو چەکدارانی نەناسراو لەڕێگەی سێ گولە هاوەنەوە گوندی دوگشمان-یان لەسنوری ناحیەی تازەخورماتوو بۆردومانکردووە.
وتیشی: “بەهۆی بۆردوومانەکەوە ژنێک بریندار بووە بەناوی (حەمدیە ساڵح) و ئاگر لەدەغڵودانیان کەوتووەتەوە.
ئەوەشی خستەڕوو کە گولە هاوەنەکان زیانیان گەیاندووە بە کارەبای گوندەکە و بچڕاندوێتی.
