لە ویلایەتێکی ئەمریکا 22 کەس کوژران

SNN

شەوی ڕابردوو، لە ویلایەتی مین-ی ئەمریکا پیاوێک هەڕەمەکیانەی تەقەی بەنێو خەڵکیدا کردووە، بەهۆیەوە 22 کەس کوژران و نزیکەی 60 کەسی تریش بریندار بوون.

ماڵپەڕی ئێن بی سی ئەمریکی، بە پشت بەستن بە سەرچاوەیەکی پۆلیس رایگەیاندووە، شەوی ڕابردوو چوارشەممە 25ی تشرینی یەکەم، بەهۆی ئەوەی کەسێک بە هەڕەمەکی تەقەی بەسەر خەڵکدا کردووە، 22 کەس کوژراون و نزیکەی 60 کەسی تریش بریندار بوون.

بەگوێرەی میدیا ئەمریکییەکان، رووداوەکە لە شاری لویستۆن لە ویلایەتی مین_ی ئەمریکا بووە، ئەو کەسە دەسترێژی گولـلەی بەنێو خەڵیکدا کردووە.

پۆلیسی ویلایەتی مین لە پێگەی ئێکس نوسیوویەتی “کەسێک لە شاری لویستن تەقەی کردووە.. هەر بۆیە داوا لە هاوڵاتیانی ناوچەکە دەکەین لە ماڵەکانیان بمێننەوە.. لێکۆڵینەوە لە رووداوەکە دەکەین”.

ئاماژە بەوەکراوە، ئەوکەسەی تەقەی کردووە کراسێکی درێژی لەبەردا بووە و پانتۆڵەکەی لە جۆری کاوبۆی بووە و چەکێکی بەدەستەوە بووە تەقەی هەڕەمەکیانەی بەنێو خەڵکیدا کردووە، وادەردەکەوێت تەمەنی لە چلەکاندا بێت.

#BREAKING: Police are responding to a scene in Lewiston. At least one business on Mollison Way has closed early for the safety of their employees. (🎥: @AtheistStreet) pic.twitter.com/iuNzny1VPd

— CBS 13 News (@WGME) October 25, 2023

“>