سوپای ئیسرائیل: 326 سەربازمان کوژراون

SNN-

سوپای ئیسرائیل ئەمڕۆ چوارشەممە ڕایگەیاند، 9 سەرباز لە کاتی هێرشەکەی سەر کەرتی غەززە کوژراون بەوەش ژمارەی سەربازە کوژراوەکانیان گەیشتە 326 سەرباز و 400ی دیکەش برینداربوون.

سوپای ئیسرائیل ناوی ئەو نۆ سەربازە ئیسرائیلییەی ڕاگەیاند، کە لە تێکهەڵچوونەکانی باکووری کەرتی غەززە لە نێوان ئۆپەراسیۆنە زەمینییەکانی سوپای ئیسرائیلدا کوژراون، هەروەها تەمەن و شوێنی نیشتەجێبوونیان ئاشکراووە.

بەمەش ژمارەی سەربازە ئیسرائیلییەکان، کە لە دوای هێرشی چەکدارەکانی غەززە بۆ سەر باشووری ئیسرائیل لە 7ی ئۆکتۆبەردا کوژراون، گەیشتە 326 سەرباز، بەپێی ئامارەکانی سوپای ئیسرائیل.

راشیگەیاندووە. چوار سەرباز بە سەختی بریندار بوون کە دوو سەرباز لە کەتیبەی 77 و سەربازی سێیەم لە کەتیبەی تساپار و سەربازێکی دیکەی کەتیبەی ڕۆتێم بە سەختی بریندار بوون، بەپێی ڕۆژنامەی ئینگلیزی ئیسرائیلی (جەرشەلیم پۆست).