نرخى مریشك بهڕێژهى 20٪ دابهزى
كێڵگهیهكى پهلهوهرى له ههرێمى كوردستان | فۆتۆ: SNN
SNN – عەلی حەمەسەعید
نرخى مریشك بهڕێژهى 20٪ له سلێمانى دابهزیوه و مریشك فرۆشێكیش هۆكارهكهى بۆ زیادبوونى رێژهى بهرههمى كێڵگه نێوخۆییهكان دهگهڕێنێتهوه.
ئهمڕۆ چوارشهممه 1ى تشرینى دووهم، ئاراس عوسمان، كه پیشهى مریشك فرۆشتنه له شارى سلێمانى بە SNNی راگەیاند، “ئەمڕۆ كیلۆیەك مریشكی زیندوومان به 3 هەزار دینار فرۆشت به هاووڵاتییان. ماوهى دوو رۆژە بەو نرخە دەیفرۆشین، ئەوەش كەمترین نرخی مریشكە لەماوەی مانگی رابردوودا، چونكه دوو هەفتە لەمەوبەر كیلۆیەك مریشكی زیندوو بە چوار هەزار دینار بوو”.
له وهڵامى ئهو پرسیارهى، هۆكارى دابهزینى نرخى مریشك چییه؟ ئهو پیشهوهره ئهوهى خستهڕوو، “هۆكاری هەرزانبوونی مریشك بۆ ئەوە دەگەڕێتەوە كە بەرهەمی مریشك لە كێڵگەكانی بەخێوكردنی مریشك زۆر بووە، بۆیە هەر كاتێك بەرهەم زۆر دەبێت، نرخ دادەبەزێت و بە پێچەوانەشەوە كاتێك بەرهەم كەم دەبێت نرخی مریشك بەرزدەبێتەوە”.
به وتهى ئاراس عوسمان، “لە هەرێمی كوردستان هەزار و 840 پەلەوەرخانە هەن، بەڵام بەشێوەی هەمیشەیی هەموویان بەرهەمیان نییە”.
بەگوێرەی ئامارەكانی بەڕێوەبەرایەتی سامانی ئاژەڵ لە وەزارەتی كشتوكاڵ كە بە SNN دراون، “ساڵانە زیاتر لە 105 ملیۆن مریشك لە هەرێمی كوردستان گەورە دەكرێن و دەخرێنە بازاڕەوە، كە دەكاتە نزیكەی 250 هەزار تۆن گۆشتی سپی، لە كاتێكدا پێداویستیی ساڵانەی گۆشتی مریشك لە نێوخۆی هەرێمی كوردستان 146 هەزار تۆنە. ئەوەی لە پێداویستی نێوخۆش زیاترە هەناردەی پارێزگاكانی عێراق دەكرێت”.
