“چیتر هاوڵاتیان بۆ وەرگرتنی مووچەکانیان لەسەرەدا ناوەستن”
مووچە
SNN
حكومەتی هەرێمی كوردستان سوودەكانی پڕۆژەی (هەژماری من) بۆ فەرمانبەران و مووچەخۆران ڕووندەكاتەوە و ئاشکرایدەکات، حکومەتی هەرێم چیتر مووچە نابێتە هەواڵی بەپەلە و هاوڵاتیان لەسەرەدا ناوەستن.
ئەمڕۆ هەینی 10ی تشرینی دووەم، فەرمانگەی میدیا و زانیاری حكومەتی هەرێم بڵاویكردۆتەوە، مووچەخۆران بیزانن؛ هەژماری_من دەستەبەری مووچە و ئاسانکارییە لە مامەڵەدا و هەژمارێکە بۆ سەقامگیریی دارایی و سانایی مامەڵەکانت.
هەروەک لە روونکردنەوەکەدا هاتووە، “هەژماری_من پارەکەت دەپارێزێت و مامەڵەكانت ئاسان دەكات و چیتر مووچە نابێتە هەواڵی بەپەلە لە میدیاکان و هاووڵاتیان بۆ وەرگرتنی مووچەکانیان لەسەرەدا ناوەستن”.
