رێککەوتنێکی نوێی بانکی ناوەندی و ئەمریکا لەسەر دۆلار ئاشکرادەکرێت

SNN-

ئاژانسی هەواڵی عێراقی بڵاویکردەوە، چەند رۆژێک لەمەوبەر لە شاری ئەبوزەبی چەند کۆبونەوەیەک لە نێوان شاندی بانکی ناوەندی عێراق و لایەنی بەرپرسی ئەمریکی لە حەواڵە دەرەکییەکان کۆبوونەتەوە.

ئاژانسی هەواڵی عێراقی ڕاشیگەیاندووە، لە کۆبونەوە و دانوستانەکان چەند بڕیارێک لە بارەی میکانیزمی پێویست بۆ ئاسانکاری لە رێکارەکانی تایبەت بە حەواڵەت دەرەکی پەیوەست بە هاوردەی دراوی بیانی دراوە.

دەشڵێت:” بانکی ناوەندی لەگەڵ بەرپرسانی ئەمریکا رێککەوتن لەسەر بەزرکردنەوەی باڵانسی دۆلاری پێشوەختەی پێنج بانکی عێراقی و حەواڵەکردن لە رێگەی بانکی جەی پی مۆرگان کراوە”.

راشیگەیاندووە، چارەسەری کێشەی حەواڵە رەتکراوەکان کراوە، هەردولا رازیبون بەوەی رەتکردنەوەی حەواڵەکان بە هۆکاری بەهێز بێت.