یەکەم کاروانی دۆلاری کاش لە ئەمریکاوە گەیشتە عێراق

SNN

میدیا عێراقییەکان ئاشکرایانکردووە، دوای رێککەوتنەکەی ئەبوزەبی یەکەم کاروانی دۆلاری کاش لە ئەمریکاوە گەیشتووەتە عێراق.

لەو بارەیەوە بانکی ناوەندی رایگەیاندووە، عێراق مۆڵەتی بە سێ بانکی ئەهلی داوە، 100 ملیۆن دۆلار هاوردە بکەن.

بەگوێرەی میدیا عێراقییەکان، ئەم هەنگاوەی بانکی ناوەندی دەبێتە هۆکارێک بۆ زیادکردنی ئاستی دۆلاری کاش لە بازاڕەکانی ناوخۆدا لەنێوان 100 بۆ 120 ملیۆن دۆلار لە مامەڵە داراییەکان زیاد دەکات، ئەمەش دەبێتە هۆی سەقامگیرکردنی نرخی دۆلار، هەر بۆیە شارەزایان پێشبینی دەکەن، بەم زووانە نرخی دۆلار بگەڕێتەوە بۆ نرخی فەرمی بانکی ناوەندی.

ئەمە لە کاتێکدایە، بەهای دۆلار بەرامبەر بە دینار لە بازاڕەکانی عێراق و هەرێمی کوردستان لە کۆتایی ساڵی رابردووەوە بەردەوام ناجێگیرە و حکومەتی عێراقیش چەندین هەنگاوی گرتووەتە بە بۆ جێگیرکردنی بەهای دۆلار بەڵام بێ ئەنجام بوون.