قائیمقامی پێنجوێن: کێشەی کارەبا چارەسەر کرا

قائیمقامی پێنجوێن رایگەیاند، کێشەی کەمی کارەبا لە قەزاکە چارەسەرکراوە و بەمەرجێک سەرجەم ئەو زیادەڕەوییانەی کراونەتە سەر تۆڕەکانی کارەبای سنووری قەزای پێنجوێن لاببرێت و لە قۆناغی کۆتایی بەستنی پێوەری زیرەک لە هەرێمی کوردستان دا پێنجوێنیش پێوەری زیرەکی بۆ ببەسترێت.

زانا رەحمان، قائیمقامی پێنجوێن لە راگەیەندراوێکدا هاووڵاتییان ئاگاداردەکاتەوە کە لە لایەن (ئومێد ئەحمەد/ وتەبێژی وەزارەتی کارەبای هەرێم) ئاگادارکراونەتەوە کە وەزیری کارەبا بەڵێنی جارەسەرکردنی کێشەی کارەبایت سنورەکەی پێداون بەڵام بە مەرجانەی خوارەوە:-

١- سەرجەم ئەو زیادەڕەوییانەی کراونەتە سەر تۆڕەکانی کارەبای سنووری قەزای پێنجوێن لاببرێت لەلایەن لیژنەیەک کە پێکهاتبن لە بەڕێزان: (نوێنەری یەکە کارگێڕییەکانی سنووری قەزای پێنجوێن، هۆبەی چاکسازی کارەبای پێنجوێن، یاریدەدەرێتی ئاسایشی پێنجوێن، بەشی پۆلیسی پێنجوێن) وە کەسی زیادەڕەوی کار بدرێتە دادگا.

٢- لە قۆناغی کۆتایی بەستنی پێوەری زیرەک لە هەرێمی کوردستان دا پێنجوێنیش پێوەری زیرەکی بۆ ببەسترێت کە پێوەرەکە( میکانیزمێکە کە زامنی کارەبای ۲٤ کاتژمێری دەکات لە سنووری قەزای پێنجوێن بە شێوەیەکی یەکجاری و ڕیشەیی، کۆنترۆڵی زیادەڕەویی سەرتۆڕەکانی کارەبا دەکات، هەروەها دوو مانگ جارێک پسوڵەی پارەی کارەبا بۆ هاووڵاتیانی خۆشەویست دێتەوە ، محاویلەی کارەبای گەڕەکەکان لە سووتان دەپارێزێت).