پهیامێك له قوباد تاڵهبانیهوه لهبارهى ناكۆكیهكانى ناو وهزارهتى پێشمهرگه
قوباد تاڵهبانى، جێگرى سهرۆكى حكومهت و شۆڕش ئیسماعیل، وهزیرى پێشمهرگه | فۆتۆ: ئهژى عومهر
SNN
جێگرى سهرۆكى حكومهتى ههرێمى كوردستان رایدهگهیهنێت، ئاساییە ناکۆکی هەبێت لەنێوان لایەنە سیاسییەکان، بەڵام ئاسایی نییە ناکۆکییە سیاسییەکان لەناو وەزارەتی پێشمەرگە رەنگ بداتەوە، دهشڵێت: ” داوامکرد بەرپرسان و پلەباڵاکانی وەزارەت پیشەییانە و بەدوور لە لایەنگیری سیاسی ئەرکەکانیان جێبەجێبکەن”.
ئهمڕۆ دووشهممه 27ى تشرینى دووهم، شۆڕش ئیسماعیل پاش چهندین مانگ گهڕایهوه سهر كارهكهى وهك وهزیرى پێشمهرگه به ئامادهبوونى قوباد تاڵهبانى، جێگرى سهرۆكى حكومهتى ههرێم. لهدواى دهستبهكاربوونهوهى، وهزیرى پێشمهرگه وتى: “لەبەر خراپی دۆخی وەزارەتی پێشمەرگە گەڕامەوە”.
ههر لهو بارهیهوه، قوباد تاڵهبانى، جێگرى سهرۆكى حكومهتى ههرێم له بهیاننامهیهكدا رایگهیاند، “گەشبینین بە گەڕانەوەی بەڕێز شۆڕش ئیسماعیل وەزیری پێشمەرگە بۆ سەر ئەرکەکەی، هەنگاوەکانی پرۆسەی چاکسازی لە وەزارەتی پێشمەرگە خێراتر ببێت”.
له بهشێكى ترى بهیاننامهكهدا، جێگرى سهرۆكى حكومهتى ههرێم ئهوهشى خستهڕوو، “لەکۆبوونەوەم لەگەڵ بەرپرسانی باڵای وەزارەتی پێشمەرگە، جەختم کردەوە ئاساییە ناکۆکی هەبێت لەنێوان لایەنە سیاسییەکان، بەڵام ئاسایی نییە ناکۆکییە سیاسییەکان لەناو وەزارەتی پێشمەرگە رەنگ بداتەوە”.
قوباد تاڵهبانى ئاماژهى بهوهشكردووه، “داوام کرد بەرپرسان و پلەباڵاکانی وەزارەت پیشەییانە و بەدوور لە لایەنگیری سیاسی ئەرکەکانی خۆیان جێبەجێ بکەن و هەموو توانای خۆیان تەرخان بکەن بۆ جێبەجێکردنی باشتر و خێراتری خاڵەکانی پرۆسەی چاکسازی”.
