ئەمریکا وردەکاریی بۆردومانەکەی کەرکوکی بڵاوکردەوە
SNN
فەرماندەیی ناوەندیی هێزەکانی ئەمریکا بڵاویکردەوە، لە نزیک کەرکوک بۆردومانی چەند چەکدارێکیان کردووە کە سەرقاڵی ئامادەکردنی درۆن بوون.
ئەمڕۆ سێشەممە، فەرماندەیی ناوەندی هێزەکانی ئەمریکا لە راگەیەندراوێکدا ئاشکرایکرد، شەوی یەکشەممە پێنج چەکدار لە نزیک کەرکوک سەرقاڵی ئامادەکردن و هەڵدانی درۆن بوون بە یەک ئاڕاستەدا، لە رێگەی سیستمی ئاسمانی ئەمریکی بێ فڕۆکەوان وەڵامدراونەتەوە.
ئاماژەی بەوەکردووە، لە هێرشەکەدا پێنج چەکدار کوژران و درۆنەکەشیان تێکشکێندران.
ئەوەشخراوەتە ڕوو، هێزە عێراقییەکان لە رووداوەکە ئاگادارکراونەتەوە و گەیشتوونەتە شوێنی رووداوەکە.
