نرخی نەوت بەڕێژەیەکی بەرچاو دابەزی

SNN-
ئەمڕۆ پێنجشەممە، 7ی کانوونی یەکەمی 2023، لەکاتی کردنەوەی بازاڕەکانی وزەدا نرخی یەک بەرمیل نەوتی برێنت بۆ 74 دۆلار و 69 سەنت دابەزی،هاوكات نرخی بەرمیلێك نەوتی رۆژئاوای تێكساس بە 69 دۆلار و 74 سەنت مامەڵەی پێوەدەکرێت.

لەماوەی رابردوودا ئاژانسی رۆیتەرز بڵاویکردووەتەوە رووسیا هەناردەکردنی نەوتی بە بڕی 300 هەزار بەرمیل نەوتی رۆژانە کەم کردووەتەوە و بەم جۆرەش کۆی گشتی کەمکردنەوەی هەناردەی رۆژانە گەیشتووەتە پێنج ملیۆن و 200 هەزار بەرمیل نەوت.

ئاژانسەکە دەشڵێت:”ئەندامانی رێکخراوی ئۆپیک رێککەوتوون لەسەر کەمکردنەوەی هەناردەی نەوت بە زیاتر لە یەک ملیۆن بەرمیلی دیکە لە رۆژێکدا”.