ئەمڕۆ لە کەربەلا کرا بە پشوو

SNN

بەبۆنەی ساڵرۆژی کۆچی دوایی فاتیمە زەهرا کچی پێغەمبەر “د.خ”، ئەمڕۆ یەکشەممە لە پارێزگای کەربەلا کرا بە پشووی فەرمی.

پارێزگاری کەربەلا لەوبارەیەوە راگەیەنراوێکی بڵاوکردەوە و رایگەیاند، ئەمڕۆ یەکشەممە 17ی کانوونی یەکەم، کە دەکاتە 3ی مانگی جەمادەلئاخیری کۆچی، لە تەواوی دامودەزگاکانی پاریزگای کەربەلا پشووی فەرمییە.

هەروەک لە راگەیەنراوەکەدا هاتووە، پشووەکە بەهۆی ساڵڕۆژی کۆچی دوایی فاتیمە زەهرای کچی پێغەمبەر(د.خ) دەبێت، کە سەرجەم دامودەزگاکانی سەر بە پارێزگای کەربەلا دەگرێتەوە.

ئاماژە بەوەکراوە، تەنها دەزگا ئەمنییەکان و خزمەتگوزارییەکان و فەرمانگەی ئەندازیی نیشتەجێبوون پشووەکە نایانگرێتەوە و وەک رۆژانی ئاسایی خۆیان دەوام دەکەن.