لەدوای راگەیاندنی ئەنجامەکان کۆمیسیۆن دەرگای تانە بۆ لایەنەکان دەکاتەوە

SNN

کۆمیسیۆنی باڵای سەربەخۆی هەڵبژاردنەکانی عێراق، لایەنە بەشداربووەکان لە هەڵبژاردنی ئەنجوومەنی پارێزگاکاندا دەتوانن دوای سێ رۆژ لە راگەیاندنی ئەنجامە فەرمییەکان سکاڵا لەسەر ئەنجامەکان تۆمار بکەن.

بەگوێرەی زانیارییەکانی سایتی رەسمی یەكێتیی نیشتمانیی كوردستان کە لە کۆمسیۆنی باڵای سەربەخۆی هەڵبژاردنەکانی عێراق دەستیکەوتووە، دوای سێ رۆژ لە ڕاگەیاندنی ئەنجامەکانی هەڵبژادن دەرگای تانەدان دەکرێتەوە.

بۆ ئەو مەبەستە، جومانە غەلای وتەبێژی کۆمیسیۆنی باڵای سەربەخۆی هەڵبژاردنەکانی عێراق رایگەیاندووە، دوای ڕاگەیاندنی ئەنجامەکانی هەڵبژاردن کە شەوی رابردوو پێنجشەممە بوو، دوای سێ رۆژ دەرگای تانەدان بەڕووی لایەنە سیاسییەکانی بەشداری هەڵبژاردندا دەکرێتەوە، تەنها سێ رۆژیان لەبەردەستدا دەبێت بۆ ئەوەی بتوانن سکاڵا لەسەر ئەنجامەکانی هەڵبژاردن تۆمار بکەن.

ئاماژەی بەوەکردووە، کۆمیسیۆنی باڵای سەربەخۆی هەڵبژاردنەکان زیاتر لە 453 سکاڵای لە هەڵبژاردنی ئەنجومەنی پارێزگاکانی عیراق بەدەست گەیشتووە، لەو سکاڵایانە هیچ سورێکی تێدا نەبووە.

ئەمە لە کاتێکدایە دوێنێ شەوی رابردوو پێنجشەممە 29ی کانوونی یەکەم، ئەنجامی فەرمی هەڵبژاردنەکانی ئەنجوومەنی پارێزگاکانی عێراق راگەیەنرا، لە نێو پارتە کوردییەکاندا یەکێتیی نیشتمانیی کوردستان توانی لە ناوچە جێناکۆکەکان زۆرترین کورسی بەدەستبهێنێت.