ئەمریکا هێرشی ئاسمانی دەکاتە سەر گرووپە چەکدارەکان
SNN
بەهۆی ئەو زیانانەی گرووپە چەکدارەکان بە بنکەکانی ئەمریکای گەیاندووە لە عێراق و سوریادا، لە وەڵامی ئەو کردەوانەدا ئەمریکا چەندین جار هێرشی کردووەتە سەریان.
ئەمڕۆ شەممە، روانگەی سوری بۆ مافەكانی مرۆڤ رایگەیاندووە،لە هێرشی ئاسمانی هێزەكانی ئەمریكا لەنزیك سنوری سوریا عێراق (20) ئەندامی گروپە چەكدارەكان كوژراون و برینداربوون.
هاوکات ئەوەشخراوەتە ڕوو، فرۆكە جەنگیەكانی ئەمریكا نۆ گورزی ئاسمانیان وەشاندووە و بارەگا سەربازییەكان و باری چەكیان لەشاری ئەلبوكەمال و دەوروبەری لەنزیك سنوری سوریا عێراق كردووەتە ئامانج.
ئەمەش لە کاتێکدایە، ئەو گرووپە چەکدارانە بەردەوام لە سوریا و عێراق هێرش دەکەنە سەر بنکە و بارەگاکانی ئەمریکا، لە دواین هێرشیاندا بۆ سەر بنکەی هاوپەیمانان لە هەولێر سێ سەربازی ئەمریکی برینداربوون و برینی یەکێکیان سەخت بووە.
