هاوپه‌یمانى عه‌ره‌بى بۆ ئه‌نجوومه‌نى پارێزگاى كه‌ركوك پێكهێنرا
كوتله‌ى عه‌ره‌بى بۆ ئه‌نجوومه‌نى پارێزگاى كه‌ركوك | فۆتۆ: راكان جبورى
SNN
كه‌مێك له‌مه‌وبه‌ر، راكان جبورى، سه‌رۆكى هاوپه‌یمانى عه‌ره‌بى هاوپه‌یمانیه‌تیه‌كى هاوبه‌شى بۆ ئه‌نجوومه‌نى پارێزگاى كه‌ركوك راگه‌یاند كه پێكهاتووه له كاندیده سه‌ركه‌وتووه‌كانى، قیادە و عروبە و هاوپه‌یمانى عه‌ره‌بى.
له راگه‌یه‌نراوێكدا كه ئه‌مشه‌و شه‌ممه 30ى كانونى یه‌كه‌م، خوێندیه‌وه به ئاماده‌بوونى هاوپه‌یمانیه‌تیه ئه‌ندامه‌كانى هاوپه‌یمانیه‌تیه‌كه، راكان جبورى وتى: “كاندیده سه‌ركه‌وتووه‌كانى هاوپه‌یمانى قیاده و هاوپه‌یمانى عروبه و هاوپه‌یمانى عه‌ره‌بى بڕیارماندا به پێكهێنانى هاوپه‌یمانیه‌تیه‌ك به‌ناوى (كوتله‌ى عه‌ره‌بى) بۆ ئه‌نجوومه‌نى پارێزگاى كه‌ركوك”.
به‌پێى گرته ڤیدیۆییه‌كه، ئه‌ندامانى هاوپه‌یمانیه‌تیه‌كه پێکهاتوون له، راکان جبوری، سەلوە مەفرەجی، ئەحمەد حەمدانی، محەمەد حافز، رەعد ساڵح و زاهیر ئەنوەر عاسی.
