چەند کاتژمێری رابردوو چەند فڕۆکەیەک نەیانتوانی لە فڕۆکەخانەی هەولێر بنیشنەوە

SNN

بەهۆی دروستبوونی گرفت لە جی پی ئێسی فڕۆکەخانەی هەولێر، شەوی ڕابردوو چەند فڕۆکەیەکی نەفەرهەڵگر نەیانتوانی بنیشنەوە.

شەوی ڕابردوو لە فڕۆکەخانەی هەولێر یەکێک لە فڕۆکەکان (ئەنادۆڵ جێت) کە بە تیمی خزمەتگوزاری 200 کەسی هەڵگرتبوو لە حاڵەتەکانی نیشتنەوە نزیک بووەوە، ماوەی زیاتر لە 25 خوله‌ك بەسەر ئاسمانی فڕۆکەخانەی هەولێر لەچاوەڕوانیدا بوو تا پەیوەست بێت بە جی پی ئێسەوە، بەڵام جارێکی تر بەرزبوه‌وه‌ بۆ ئاسمان و ناچاڕ گەڕایەوە بۆ فڕۆکەخانەی ئەرزڕوم و پاشان بەرەو فڕۆکەخانەی سەبیحە لە ئەستەنبول فڕی.

ئەم گەشتە کاتژمێر 12:47 خوله‌كی شەوی ڕابردوو لە فڕۆکەخانەی سەبیحەوە بەرەو هەولێر دەستیپێکرد، سەرنشینەکانی تا کاتژمێر 7:30 سەرلەبەیانی لەناو فڕۆکەکەدابوون.

هاوکات بڕیارە ‌سەرنشینانی ئەم گەشتە جارێکی تر لە کاتژمێر 12 لە فڕۆکەخانەی سەبیحەوە بگەڕێنەوە بۆ هەولێر.