شهڕ لهنێوان داعش و چهند گوندنشینێك روویدا و چهكدارێك كوژرا
بڵاوهپێكردنى هێزى حهشدى شهعبى له حهویجه | فۆتۆ: Ahmad al-Rubaye / AFP
SNN – عیماد جەباری
بهرهبهیانى ئهمڕۆ شهممه لە ناحیەی ریاز شەڕ لەنێوان دانیشتووانی گوندێک و چەکدارانی داعش دروستبوو و چەکدارێکیش کوژرا.
بهپێى زانیارییهكانى (SNN) كه له پۆلیسى قهزاى حهویجه وهریگرتوون، “لە گوندی (مەقام) له حهویجه شەڕ لەنێوان گوندنشینان و چەکدارانی داعش دروستبووە، له ئهنجامدا چەکدارێکی داعش لەلایەن گوندنشینانەوە کوژراوە و تەرمەکەی کەوتوەتە بەردەستی هاووڵاتییانى ناوچهكه”.
روودانى ئهم رووداوه لهكاتێكدایه كه داعش له حهویجه و دهوروبهرى هاوشێوهى بهشێك له ناوچهكانى ترى عێراق چالاكبووهتهوه، بهوهۆیهشهوه رۆژى 26ى ئایار، هێزێكى سەربە فیرقەی 9 زرێپۆشى عێراق به زرێپۆش و تانكى ئەبرامزی ئەمریکی روویانكرده ئهو ناوچهیه و جێگیر بوون.
