جەمال کۆچەر “لە بودجەی ئەمساڵدا گۆڕانكاری گەورە دەكرێت”

SNN

جەمال کۆچەر ئەندامی لیژنەی دارایی پەرلەمانی عێراق بە رۆژنامەی (الصباح)ی راگەیاند : بودجەی ساڵی (2024) چەندین گۆڕانكاری تیادا دەكرێت و شتێكی جیاوازدەبێت لەڕووی داهات و خەمڵاندنی نرخی نەوت و خەرجیەكانەوە.

جەمال کۆچەر ئەوەشی روونکردنەوە، حكومەت كاتێك بودجەی بۆ سێ‌ ساڵی لەسەریەك پێشكەش كرد، ئامانجی یەكەمی بەردەوامبون بووە لەخەرجی لەدوای مانگی كانوونی دووەمەوە، بۆ خۆ بەدورگرتن لە رووبەڕووبوونەوەی كێشەكانی راوەستانی ساڵی دارایی و كاركردن لەسەربنەمای یەك لەسەر دوانزە، تاكاتی پەسەندكردنی بودجە.

وتیشی “پەرلەمان دەسەڵاتی داوە بە حكومەت، بەردەوامبێت لەخەرجیەكانی بودجەی (2023) تا كۆتایهاتنی و دەستكردن بە بودجەی (2024) بەبێ‌ راوەستان، حكومەت هیچ گۆڕانكاریەك ناكات لە بودجەی (2024)، بەهۆی ئەوەی بودجەی پێشوشی بەشێوەی پێویست خەرجنەكردووە، پێویستی بە قەرزنابێت لە بودجەی تازەدا.”