“له 2023دا تووندوتیژى دژى پیاون زیادیكردووه”
كهسێك كه تووندوتیژى بهرامبهر كراوه | فۆتۆ: MUNDO
SNN
سهرۆكى یهكێتیى پیاوانیى كوردستان رایدهگهیهنێت، له 2023دا تووندوتیژى دژى پیاون زیادیكردووه و دهشڵێت: “600 پیاو سكاڵایان تۆمار كردووه و ههشت پیاویش بههۆى كێشهى كۆمهڵایهتیهوه لهلایهن ژنهكانیانهوه كوژراون”.
ئهمڕۆ سێشهممه 2ى كانونى دووهم، بورهان عهلى، سهرۆكى یهكێتیى پیاوانیى كوردستان به SNNى راگهیاند، “له ساڵى 2023دا بهداخهوه ئامارهكانى تووندوتیژى بهرامبهر پیاوان زیادیكردووه، بهشێوهیهك 600 پیاو سكاڵایان تۆمار كردووه و 60 پیاو خۆیان كوشتووه و ههشت پیاویش لهلایهن هاوسهرهكانیانهوه كوژراون”.
وتیشى: “جۆرى تووندوتیژیهكان زۆرن كه بهرامبهر پیاوان دهكرێن، بهڵام فشارى دهروونى و تووندوتیژى دارایی دیارترینى ئهو تووندوتیژیانهن كه له ساڵى 2023دا بهرامبهر پیاوان كراون”.
به وتهى سهرۆكى یهكێتیى پیاوانیى كوردستان، “قهیرانى دارایی و تۆڕه كۆمهڵایهتیهكان سهرهكیترین هۆكارهكانى تووندوتیژى دژى پیاوانن”.
