قایمقامی پێنجوێن: نەبوونی متمانە بە حکومەت رێکارەکانی کۆرۆنای قورسکردووە

قایمقامی پێنجوێن رایگه‌یاند: “به‌هۆی نه‌بونی متمانه‌ی هاوڵاتیان به ‌حكومه‌ت و قه‌یرانی دارایی، ناتوانین رێكاره‌كانی خۆپارێزی وه‌ك پێویست جێبه‌جێبكه‌ین”.

زانا ڕەحمان ڕەحیم، قایمقامی قەزای پێنجوێن لە هەژماری خۆی لە فەیسبوک ئەوەی خستووەتەڕوو: “بەداخەوە كەیسی كۆرۆنا لەناو پێنجوێن تۆماركراوە و چەند كەیسێكی  تریشمان هەیە كە لە پشكنینی یەكەمدا وا دەردەكەوێت هەڵگری ڤایرۆسی كۆرۆنابن”.

وتوشیەتی: “چیمان لەتوانادا بێت بۆ رێگریكردن لە بڵاوبونەوەی ڤایرۆسەكە ئەنجامی دەدەین، بەڵام بەهۆی نەمانی متمانەی بەشێك لە خەڵك بە حكومەتی هەرێمی و بوونی بارودۆخی سەختی ژیانی هاوڵاتیان لە ڕوویی ئابورییەوە و سەرقاڵ بوونی بەشێك لە هاوڵاتیان بە كاری كشتوكاڵكردنەوە، وەك پێویست ناتوانین ڕێكارەكانی خۆپارێزی جێبەجێ بكەین”.

قایمقامی پێنجوێن لە ڕاگەیەندراوەکەدا داواش له ‌هاوڵاتیان دەکات، تا ده‌توانن خۆیان بپارێزن و رێنماییه‌كانی ته‌ندروستی جێبه‌جێبكه‌ن و مه‌ترسی ڤایرۆسی كۆرۆنا به‌جدیی وه‌ربگرن، هەروەها له‌كاتی هه‌ستكردن به ‌ده‌ركه‌وتنی نیشانه‌كانی ڤایرۆسه‌كه‌ سه‌ردانی نه‌خۆشخانه‌ بكه‌ن.