فڕۆكهى (F6) توركى | فۆتۆ: MEM
كهمێك لهمهوبهر بههۆى بۆردوومانى فڕۆكه جهنگییهكانى توركیا له ناحییهى دێرهلوك سهربه قهزاى ئامێدى دوو هاووڵاتى شههید بوون.
بهگوێرهى زانیارییهكانى (SNN) كه له هاووڵاتیان له ئامێدى وهریگرتوون، “رووداوهكه بهرهبهیانى ئهمڕۆ روویداوه له چیاى دەرەجێ له دێرهلوك بههۆیهوه دوو هاووڵاتى كه كوڕ و باوكن و باوكهكه تهمهنى 60 ساڵه و كوڕهكه تهمهن 30 ساڵه شههید بوون، هاوكات كهسێكى نزیكیان برینداربوو، ئهمه سهرهڕاى ئهوهشى كه ژمارهیهك له هاووڵاتیانى گوندى (هێتیتێ) كه نزیكه له رووداوهكه گیریانخواردووه، بههۆى بۆردومانهكانهوه ناتوانن گوندهكه بهجێبهێڵن بۆ ئهوهى نهبنه ئامانجى فڕۆكهكانى توركیا”.
هاوكات كهمێك لهمهوبهر وهزارهتى بهرگریی توركیا لهبارهى رووداوهكهوه له تۆڕى كۆمهڵایهتى تویتهر بهیاننامهیهكى بڵاوكردهوه كه تێیدا هاتووه، “ئهو دوو كهسهى كه كوژراون گهریلاى پارتى كرێكارانى كوردستانن”.
ئهوهشخراوهتهڕوو له بهیاننامهكهدا، “رووداوهكه له ههرێمى ئاڤاشین – باسیان روویداوه”.
