پەرلەمانی عێراق کۆبوونەوەکانی دەستپێدەکاتەوە

SNN-
ئەنجومەنی نوێنەرانی عێراق رۆژی شەممەی داھاتووی بۆ دەستپێکردنەوەی کۆبونەوەکانی دیاریکرد.

فەرمانگەی راگەیاندنی ئەنجومەنی نوێنەرانی عێراق بڵاویکردووەتەوە کە سبەینێ چوارشەممە 24ی کانوونی دووەمی 2024، سەرۆکایەتی ئەنجومەنەکە لەگەڵ لیژنەکانی ئەنجومەنی نوێنەران کۆدەبیتەوە و لە رۆژی 27ی مانگیشەوە کۆبونەوەکانی ئەنجومەنەکە دەستپێدەکاتەوە، بەڵام ھیچ ئاماژەیەک بۆ کارنامەی کۆبوونەوەکە نەکراوە.

رۆژی 14ی ئەم مانگە کۆبونەوەی ئەنجوومەنی نوێنەران بۆ ھەڵبژاردنی سەرۆکی نوێی ئەنجومەنەکە بەرێوەچوو، بەڵام هەڵنەبژێردرا و دواتریش کۆبوونەوەکە بۆ کاتێکی نادیار دواخرا.