یەکەم دوکانی فرۆشتنی خواردنەوە کحولییەکان لە سعودیە کرایەوە

SNN

وەزارەتی ناوخۆی سعودییە بڕیارێکی تایبەتی بە کردنەوەی یەکەم دوکانی فرۆشتنی مەی لە ریازی پایتەختی سعودییە دەرکرد، کە تێیدا خواردنەوە کحولییەکان بە کەسانی دیپلۆماتکار و بیانی دەفرۆشێت.

ئەم هەنگاوانەی سعودیە بۆ کردنەوەی دوکانی مەیفرۆشی لە پلانی دیدنی سعودییە “2030”دا خۆی دەبینێتەوە، کە محەمەد بن سەلمان شازادی جێنشینی سعودییە دەیەوێت ئەو وڵاتەی تا ساڵی 2030 لە رووی ئابووری و کۆمەڵایەتی و کرانەوەی کۆمەڵگەوە بگۆڕێت.

وەزارەتی ناوخۆی سعودیەش لە بکڕیارەکەیدا بۆ کردنەوەی دوکانی مەی و فرۆشنی بە کەسانی دیپلۆماتکار و بیانی و نا موسوڵمان، بە هەموو جۆرێک کڕینی خواردنەوە کحولییەکانی لە کەسانی موسوڵمان لە وڵاتەکەدا قەدەغە کردووە.