بڕیار و راسپاردەکانی شانەی قەیرانەکانی عێراق

SNN- عیماد جەباری

دوای ئەوەی ئەمڕۆ شەممە قەدەغەی تەواوەتی هاتوچۆ بۆ ماوەی 7 رۆژ لەعێراق راگەیەنرا، بەسەرپەرشتی سەرۆکوەزیران، شانەی قەیرانەکانی عێراق ئەم بڕیارانەیدا:

– لەبەغداو پارێزگاکانی دیکەی عێراق قەدەغەی هاتوچۆ ماوەی هەفتەیەک راگەیاندرا لە ٣١ی ئایار تاوەکو ٦ی حوزەیران

– دەزگا ئەمنیەکان راسپێردران رێوشوێن لەگەڕەکە میلییەکان توندتر بکەن و رێگا بەهیچ جۆرە گردبونەوەیەک نەدەن.

– تۆڕی راگەیاندن و دەستەی راگەیاندن و پەیوەندیەکان و پۆلیسی کۆمەڵایەتی راسپێردران هۆشیاری لەنێو خەڵکدا بڵاوکەنەوە.

– هەموو هاوڵاتیەک پابەندبکرێت بە بەکارهێنانی دەمامک لەدەرەوەی ماڵەکەی و رێگا بو کەس نەدرێت بەبێ دەمامک بچێتە دەرەوە.

– مەفرەزەکانی پۆلیسی هاتوچۆ سەرپشکن دەست بگرن بەسەر هەموو ئەو ئۆتۆمبێڵانەی لەسەدا ٥٠ سەرنشینی زیاتر هەڵگرتبێت و دەمامکیش لەدەمیاندا نەبێت بەبێ ئەوەی جیاوازی بکرێت.

– رێگا دەدرێت دوکانی میوەو سەوزەوات و نانەواخانە کاربکەن.

– رێگا دەدرێت چێشتخانەکان بیکەنەوە و تەنها بەدیلیڤەری دەبێت.

– دەرمانخانەکان کراوە دەبن.

-بەهەموو شێوەیەک بەکارهێنانی ئۆتۆمبێڵ بۆ کاری تاکسی لەلایەن هەموو توێژەکانەوە بەبێ جیاوازی قەدەغەیە و لەکاتی سەرپێچیشدا دەست دەگیرێت بەسەر ئۆتۆمبێڵەکەیدا.

– هەموو فەرمانگەو دامودەزگاکانی وڵات بەداخراوی دەمێننەوە جگە لەتەندروستی و دەزگا ئەمنیەکان و فەرمانگە خزمەتکوزاریەکان ( کارەبا، شارەوانیەکان، ئەمانەی بەغدا، کشتوکاڵ و سەرچاوە ئاوێکان).

– تیمەکانی تەندروستی چاودێری چێشتخانەکان دەکەن و تەئکید لەرەچاوکردنی رێنماییە تەندروستیەکان دەکەنەوە.

شانەی قەیرانەکانی عێراق لەکۆبوونەوەی ئەمڕۆی ئەنجومەنی وەزیراندا پێشنیازی کردبوو کە 14 رۆژ قەدەغە رابگەیەنرێت.

لەئێستادا لەعێراق 6179 کەس تووشی کۆرۆنا بوون و 195 کەسی تر مردوون و 3110 کەسی دیکەش چاکبوونەتەوە، هۆکاری راگەیاندنی ئەو قەدەغەیەش هەڵکشانی ژمارەکانە بەهۆی پەتاکەوە.