وەزیری نەوتی عێراق لەبارەی هەناردەکردنەوەی نەوتی هەرێمی کوردستان پەیامێکی بڵاوکردەوە
كێڵگه‌یه‌كى نه‌وتیی له عێراق | فۆتۆ: AP
SNN
وەزیری نەوتی عێراق لە پەیامێکدا رایگەیاند، نزیکن لە رێککەوتن لەگەڵ کۆمپانیا نەوتییەکان لەبارەی هەناردەکردنەوەی نەوتی هەرێمی کوردستان و پێشەوەچوون لە گفتوگۆکاندا هەیە.
حەیان عەبدولغەنی، وەزیری نەوتی عێراق لەبارەی هەناردەکردنەوەی نەوتی هەرێم پەیامێکی بڵاوکردەوە و ئاشکرایکرد، گفتوگۆکانی وەزارەتی نەوتی عێراق لەگەڵ کۆمپانیا نێودەوڵەتییەکانی نەوت کە لە هەرێمی کوردستان کاردەکەن، پێشچوونی بەخۆوە بینیوە.
وتوویەتی “دەستپێکردنەوەی هەناردەی نەوت لە هەرێمی کوردستان، بەندە بە دەستپێکردنەوەی بەرهەمهێنان لە کێڵگە نەوتییەکانی هەرێمەکە”.
ئەوەشیخستووەتە ڕوو، گفتوگۆکان لەگەڵ کۆمپانیا نەوتییە سەرکارەکان لە هەرێمی کوردستان لەسەر رێڕەوی راستن بۆ گەیشتن بە رێککەوتنێک لە داهاتوویەکی نزیکدا.
