کارەبای سلێمانی: بەهۆی بارانبارینەوە زیاتر لە 35 فیدەری دابەشکردنی کارەبا لەکارکەوتوون
SNN-
کارەبای سلێمانی رایگەیاند، بەهۆی شەپۆلی بارانبارینەوە زیاتر لە 35 فیدەری دابەشکردنی کارەبا لەناو شار و دەرەوەی شار لەکارکەوتوون و تیمەکانیشمان لەهەوڵدان بۆ چارەسەرکردنی کێشەکان.
ئەندازیار ئەنوەر حمە سەعید بەڕێوەبەری گشتی کارەبای سلێمانی رایگەیاند: بەهۆی ئەو بارانە بەلێزمەیەی لە دوێنێ پێنج شەممەوە سنووری پارێزگای سلێمانی گرتەوە زیانی زۆری بەتۆڕەکانی گواستنەوە و دابەشکردنی کارەبا گەیاندوەو شۆرتێکی زۆر دروست بووەو چەند هێڵی گواستنەوەی تەوژم بەرز لەکارکەوتەوە و زیاتر لە ٣٥ فیدەری دابەشکردنی کارەبا لەناو شار و دەرەوەی شار لەکارکەوتوون.
راشیگەیاند: سەرجەم تیمەکانی چاکسایی هێڵەکانی گواستنەوەی وزەی کارەبا و سیانەکان لەکاردان بۆ چارەسەرکردنی کێشەکان.
