سندوقی دراوی نێودەوڵەتی جارێکی تر هاوکاری ئۆکراین دەکات

SNN

سندوقی دراوی نێودەوڵەتی 880 ملیۆن دۆلاری دیکە ھاوکاری پێشکەشی ئۆکراین دەکات، ئەمەش وەک هاوکارییەک بۆبنیاتنانەوەی وڵاتەکە.

ئەمڕۆ هەینی ئاژانسی فرانس پرێس بڵاویکردەوە، سندوقی دراوی نێودەوڵەتی لە قۆناغی سێیەمی ئەو ھاوکارییەی ساڵی ڕابردوو بۆ ئۆکراین پەسەندیکرد، بۆ جارێکی تر 880 ملیۆن دۆلار ھاوکاری پێشکەشی ئەو وڵاتە دەکات.

ئاماژە بەوەکراوە، ھاوکارییەکی سندوقی دراوی نێودەوڵەتی، پێویستی بە رەزامەندی دەستەی کارگێڕی دامەزراوەکە ھەیە، بەڵام پێشبینیدەکرێت، بەزوویی ھاوکارییەکە پەسەندبکرێت.

لەلایەکی ترەوە، گاوین گرای، سەرۆکی تیمێکی سندوقی دراوی نێودەوڵەتی روونیکردەوە، کارەکانی سندوقی دراوی نێودەوڵەتی لەبارەی ئۆکراینەوە بەرەوپێشچوونی بەرچاوی بەخۆیەوە بینیووە، وتوویەتی، “ئۆکراین بۆ قۆناغی دوای جەنگ پێویستی بە 486 ملیار دۆلار دەبێت بۆ دووبارە بنیادنانەوەی وڵاتەکەی.”