کەشناسی: بەفربارین بەردەوام دەبێت و پلەکانی گەرما نزمدەبنەوە

SNN

بەڕێوەبەرایەتی گشتیی کەشناسی سلێمانی رایگەیاند، ئەمڕۆ بەفربارین بەردەوام دەبێت و پلەکانی گەرما نزمتر دەبنەوە، سبەینێ پلەکانی گەرما بەرزدەبنەوە.

ئەمڕۆ چوارشەممە 28ی شوبات، بەڕێوەبەرایەتی گشتی کەشناسی و بومەلەرزەزانی هەرێم رایگەیاند، ئەمڕۆ چوارشەممە، ئاسمان بەگشتی ساماڵ و پەڵەهەور دەبێت، لە سنوورى پارێزگای سلێمانی هەورى تەواو دەبێت لەگەڵ بارینی بەفر و بارانێکى کەم بەتایبەتی لە ناوچە شاخاوییەکاندا، لە کاتەکانى ئێوارەدا دەگۆرێت بۆ نیمچەهەور.

ئاماژەی بەوەکردووە، پلەکانی گەرما نزیک دەبنەوە لە تۆمارکراوەکانی دوێنێ، جگە لە سنوورى پارێزگاى سلێمانى و هەڵەبجە کە پلەکانی گەرما نزم دەبنەوە.

سەبارەت بە کەشی پێنجشەممە ئاشکرایکرد، ئاسمان بەگشتی ساماڵ و پەڵەهەور دەبێت و پلەکانی گەرما بە یەک بۆ دوو پلە بەرز دەبنەوە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی

هەولێر : 14

سلێمانی : 9

دهۆک : 14

زاخۆ : 15

هەڵەبجە : 9

کەرکوک : 17

سۆران : 11

حاجی ئۆمەران : 1-

گەرمیان : 18