ئهگهر كارتى بانكى دروستنهكرێت، تهیف سامى دهسهڵاتى ههیه مووچهى ههرێم نهنێرێت؟
تهیف سامى، وهزیرى دارایی عێراق | فۆتۆ: ICG
SNN
ئهندامێكى پێشووى لیژنهى دارایی له ئهنجوومهنى نوێنهرانى عێراق رایدهگهیهنێت، ئهگهر تهنیا حكومهتى ههرێم دهستبه ههوڵهكانى بكات بۆ دروستكردنى كارتى بانكى بۆ مووچهخۆران و ههمووشیان تهواو نهكات تاوهكو كۆتایی مانگى ئازار بهغدا ههر ئامادهیه پارهى مووچه بنێرێت.
رۆژى دووشهممه 26ى شوبات، لیژنهى دارایی له ئهنجوومهنى نوێنهرانى عێراق میواندارى تهیف سامى، وهزیرى دارایی عێراقى كرد و لهبارهى پرسهكانى ناردنى پارهى مووچه بۆ ههرێم و دابهشكردنى مووچه لهڕێگهى بانكه فیدراڵیهكانهوه بهپێى بڕیارهكهى دادگاى فیدراڵى گفتوگۆیان كرد.
شێروان میرزا، ئهندامێكى پێشووى لیژنهى دارایی له ئهنجوومهنى نوێنهرانى عێراق له وهڵامى ئهو پرسیارهى ئهگهر كارتى بانكى بۆ مووچهخۆرانى ههرێم دروستنهكرێت لهماوهى مانگى ئازاردا چى روودهدات؟ ئایا وهزیرى دارایی دهتوانێت پارهى مووچه نهنێرێت؟ له دیدارێكى تایبهتدا لهگهڵ SNN وتى: “تهنیا حكومهتى ههرێم دهستبه هاریكارى بكات و ههنگاو بنێت بۆ دهستپێكردنى پرۆسهكه، حكومهتى عێراق ئهگهر ههموو مووچهخۆرانیش ههژمارى بانكیان نهبێت ئامادهیه مووچهى مانگى ئازار بنێرێت، چونكه له بهغدا له ئێستادا جۆرێك له بیركردنهوه ههیه كه پێویسته بابهته سیاسیهكان له مووچه جیا بكرێنهوه، پاشان ناردنى مووچه بڕیارى دادگاى فیدراڵیه و بڕیارى كۆتاییه رێگرى لێناكرێت”.
