نرخی زێر ژمارەیەکی پێوانەی تۆمارکرد
SNN
سەرلەبەیانی ئەمڕۆ پێنجشەممە، نرخی هەر ئۆنسەیەک زێر گەیشتوەتە 2161 دۆلار کە ئەوەیش بە بەرزترین ئاستی پێوانەیی هەژمار دەکرێت لە مێژوودا.
بەپێی وتەی ئاژانسەکان ، چاوەڕوانیی بازرگانان بۆ گۆڕانکاری لە سیاسەتی نەختی بانکی ناوەندیی ئەمەریکا و کەمکردنەوەی سودی بانکی لەلایەن بانکەکەوە، هۆکاری سەرەکیی بەرزبونەوەی نرخی زێڕن، هەروەها کێشە و ئاڵۆزییە سەربازی و سیاسیەکانی رۆژهەڵاتی ناوەڕاست و بەردەوامیی هێرشی حوسییەکان لە دەریای سور، بە هۆکارێکی دیکەی ناسەقامگیریی نرخی زێر دادەنرێت.
لە بەدواداچوونێکی SNNدا ئاماژە بەوەکرا کە زێر لە هەرێمی کوردستانیش ژمارەیەکی پێوانەی تۆمارکردووە بەجۆرێک کە نرخی یەک مسقاڵ ئاڵوتنی عەیاری 21 بە 306 دۆلار و نرخی یەک مسقاڵ ئاڵوتنی عەیاری 18 بە 262 دۆلار و نرخی یەک لیرە 460 دۆلاری ئەمریکی.
