وەزیری ناوخۆی هەرێم لەسەر قەدەغەی تەواوەتیی هاتوچۆ لێدوانێکی بڵاوکردەوە
رێبەر ئەحمەد، وەزیری ناوخۆ
SNN-
وەزیری ناوخۆی هەرێمی کوردستان دەڵێت: ” ئاماژهكان بهو ئاڕاستهیهدا دهڕۆن کە مهترسییهكه زیاتره و ڕۆژانى داهاتوو مهترسییهكان زیاتر تهشهنه دهكهن، بۆیه ئهگهر بگهڕێینهوه بۆ ڕێكارهكانى سهرهتا، ئهنجامى باشمان دهبێت”.
ڕێبهر ئهحمهد، وهزیرى ناوخۆى حكوومهتى ههرێمى كوردستان بهسایتی (باسنیوز)ى ڕاگهیاندووە: ڤایرۆسی كۆرۆنا، بهشێوهیهكى خێرا و زیاتر له جاران لەنێو خهڵكیدا بڵاوبووەتەوە، ئێستا “ئێمه لهو قۆناغهداین كه ههمیشه هاووڵاتیانمان له مهترسییهكانى ئاگادار دەکردەوە، ههرچهنده ئهوهى لهسهرشانمان بوو بۆ پاراستنى هاووڵاتیانی كوردستان کردمان”.
ئەوەشی ئاشکرا کرد کە “بێگومان ههڵسهنگاندنى نوێ بۆ دۆخهكه دهكهن و ئهگهر زانیمان ڤایرۆسهكه ههڕهشه له هاووڵاتیان دهكات، یان پێویسته بگهڕێینهوه بۆ قهدهغهى هاتوچۆ و داخستنى شوێنهكان بۆ ئهوهى کارەساتی گەورە نەکەوێتەوە، بێ دوودڵى بڕیارى گرنگ دهردهكهین”.
ڕێبەر ئەحمەد، دووپاتی کردەوە: “ههرچى پێویست بێت بۆ هاووڵاتیانى شارى سلێمانى و هاووڵاتیانی كوردستان درێغى ناكهین، ئهگهر وهزارهتى تهندروستى یان بهڕێوەبهرى گشتیى تهندروستیی پارێزگایهك داواکارییەک ئاڕاستهى ئێمه بكات، لە وهزارهتى ناوخۆ لایهنى جێبهجێكارین، ههموو كارێك دهكهین بۆ پاراستنى ژیانى هاووڵاتیان، چونكه ئهوه كارى سهرهكیی ئێمهیە و هاوشێوهى جارى پێشوو ههنگاوى باش دهنێین تاوەکوو هاووڵاتیان لهم ڤایرۆسه مهترسیداره بپارێزین”.
وەزیری ناوخۆ جەختی کردەوە، ئێستا ئاماژهكان بهو ئاڕاستهیهدا دهڕۆن کە مهترسییهكه زیاتره و ڕۆژانى داهاتوو مهترسییهكان زیاتر تهشهنه دهكهن، بۆیه ئهگهر بگهڕێینهوه بۆ ڕێكارهكانى سهرهتا، ئهنجامى باشمان دهبێت”
