سودانی: بە ئازارەوە یادی تاوانی کیمیاباران و قوربانیانی هەڵەبجە دەکەینەوە

سەرۆکوەزیرانی عێراق رایگەیاند، هەوڵەکانیان بەردەوامە بۆ جێبەجێکردنی ئەو یاسایانەی پشتگیری لەمافی هەڵەبجەییەکان دەکات و دەشڵێت:”بە ئازارەوە یادی تاوانی کیمیاباران و قوربانیانی هەڵەبجە دەکەنەوە”.

محەمەد شیاع سودانی، سەرۆکوەزیرانی عێراق لە یادی 36 ساڵەی کیمیابارانی هەڵەبجە، پەیامێکی بڵاوکردەوە و رایگەیاند: بە ئازارەوە یادی تاوانی کیمیاباران و قوربانیانی هەڵەبجە دەکەنەوە و دەشڵێت:”بۆ نەوەکانمان دڕەندەیی دەسەڵاتی کەوتو و تاوانەکانی دژ بە گەلی کورد و عێراق دەمێنێتەوە، ئەو کارەساتە لە دڵمان دەمێنێتەوە، هانمان دەدات بۆ بەهێزکردنی سیستمی دیموکراسی”.

سەرۆکوەزیرانی عێراق دەشڵێت:”هەوڵەکانی حکومەت بەردەوامە بۆ بەدیهێنانی دادپەروەری و جێبەجێکردنی ئەو یاسایانەی کە پشتگیری لە مافی هەڵەبجەییەکان دەکات”.