“چۆڵنەكردنی كەمپی ئاوارەكان لە هەولێر و دهۆك جێگای گومانە”
كهمپێكى ئاوارهكان له ههرێمى كوردستان | فۆتۆ: UNHCR
SNN – عەلی حەمەسەعید
سهرهڕاى بڕیارهكهى حكومهتى عێراق بۆ چۆڵ كردنى كهمپى ئاوارهكان تاوهكو ئێستا كهمپهكانى ههولێر و دهۆك چۆڵنهكراون، لێپرسراوى بۆردى راگهیاندنى یهكێتیی نیشتمانیی كوردستانیش دهڵێت: چۆڵنهكردنى ئهو كهمپانه جێگهى گومانه.
له ماوهى رابردوودا، وهزارهتى كۆچ و كۆچبهرانى حكومهتى ناوهندیى عێراق بڕیاریدا به داخستنى سهرجهم كهمپهكانى ئاوارهكان له عێراق، لهدواى بڕیارهكه سهرجهم كهمپهكانى پهنابهران له سلێمانى داخران، بهڵام تاوهكو ئێستا كهمپهكانى پهنابهران له ههولێر و دهۆك دانهخراون.
لەتیف نێروەیی، لێپرسراوی بۆردی راگەیاندنی یەكێتیی نشتیمانیی كوردستان لهوبارهیهوه بە SNNی راگەیاند، “بەپێی راپۆرتە نێودەوڵەتییەكان و لێدوانی وەزیری ناوخۆی حكومەتی هەرێم، نزیكەی یەك ملیۆن كەس لە هەرێم ئاوارەن كە لە وڵاتانی (سوریا، توركیا، ئێران)ەوە هاتوون لهو ژمارهیه 678 هەزاریش لە شار و شارۆچكەكانی پارێزگاكانی عێراقەوە هاتوون. بهپێى هەندێك ئاماری نافەرمی رێژەی دانیشتوانی هەرێمی كوردستان نزیكەی شەش ملیۆن كەس دەبێت، بەوجۆرەش رێژەی ئاوارە و پەنابەرانی هەرێمی كوردستان نزیكەی 17%ی كۆی گشتی دانیشتوانی هەرێم پێكدههێنێت”.
وتیشى: “ماوهى دوو ساڵه وەزارەتی كۆچ و كۆچبەرانی عێراق هەوڵەكانی خۆی خستووەتەگەڕ بۆ گەڕاندنەوەی ئاوارەكان و داخستنی كەمپەكان، ئیدارەی سلێمانی پێشوازی لەو بڕیارەی حكومەتی عێراق كرد و لە چەند رۆژی رابردوودا دوا ئاوارە گەڕایەوە شوێنی خۆیان و كەمپی عەربەت داخرا، بەڵام كامپەكانی سنووری پارێزگای هەولێر و دهۆك بەكراوهیی ماونەتەوە و هێشتا جمەیان دێت لە ئاوارەكان، ئەمەش بۆتە جێگای گومان و رەخنەی وەزارەتی كۆچبەران و لێكدانەوەی جۆراجۆری بۆ دەكرێت”.
له تیف نێروهیی پێیوایه، :ناكرێت چاوپۆشی لەم پرسە بكرێت” و دهڵێت: “دۆسیهى ئاوارەكانی هەرێم راستەوخۆ كاریگەری لەسەر دۆخی هەمەجۆری هەرێمی كوردستان دروستكردووە، هاوكات وەزارەتی كۆچ و كۆچبەرانی عێراقیش جەخت لەوەدەكاتەوە كە دۆخی شارەكانی عێراق سەقامگیرە و مەترسی ئەمنی لەسەر شارەكان نەماوە، بۆیە هیچ بیانوویەك نەماوە بۆ مانەوەی ئاوارەكان لە كامپەكانی هەرێمی كوردستان ئهمه به زانینى ئهو راستیهى كه 676 هەزار هاووڵاتی ئاوارە لە هەرێمی كوردستان دەژین”.
