لە سەرۆکایەتی هەرێمەوە بۆ دەباشان

SNN
مەسعود پزیشکیان سەرۆککۆماری ئێران لە سەردانە سێ رۆژەکەی بۆ عێراق بە سەردانێکی فەرمی ئەمڕۆ گەیشتە هەرێمی و کوردستان و لە سەرۆکایەتی هەرێم لە یەک کاتدا چاوی بە هەریەکە لە “نێچیرڤان بارزانی سەرۆکی هەرێم و مەسرور بارزانی سەرۆکی حکومەتی هەرێم و مەسعود بارزانی سەرۆکی پارتی کەوت”.

دواتر راستەوخۆ لە سەرۆکایەتی هەرێمەوە هاتە شاری سلێمانی و بەهۆی گرنگی پێگەی دەباشان، راستەوخۆ سەردانی مەزاری مام جەلالی کرد و دواتر لە دەباشان لەگەڵ بافڵ جەلال تاڵەبانی سەرۆکی یەکێتیی نیشتمانیی کوردستان کۆبوونەوەیەکی لە ئاستی باڵادا ئەنجامدا.

مەسعود پزیشکیان، سەرۆککۆماری ئێران لە سەردانەکەیدا بۆ سلێمانی رایگەیاند، پێمخۆشبوو سەردانی سلێمانی بکەم و خەڵکەکەی لە نزیکەوە ببینم، دەمانەوێت لەگەڵ یەکێتی و سلێمانی و هەولێر پەیوەندییەکانمان لە بوارەکانی ئابوری و بازرگانی و ئەمنی، بەهێزتر بکەین و هەماهەنگی لەگەڵ یەکتریدا بکەین”.