“کۆمەڵگەی نێودەوڵەتی بەرپرسیارێتیی یاسایی و ئەخلاقیی بگرێتەئەستۆ”
لەتیف رەشید
SNN
ئەمڕۆ چوارشەممە د. لەتیف رەشید سەرۆککۆماری عێراق پەیوەندییەکی تەلەفۆنی لەگەڵ نەجیب میقاتی سەرۆكوەزیرانی لوبنان ئەنجامدا، بەتوندی هێرشەکەی دوێنێ سێشەممەی بۆسەر لوبنان سه‌ركۆنه کرد، کە چەندین شەهید و برینداری لێکەوتەوە.
سەرۆککۆماری عێراق، ئەم هەوڵە تیرۆرستیەی بە پەرەسەندنێکی مەترسیدار و هەوڵی فراوانکردنی بازنەی جەنگ و دەستدرێژی ناوبرد، کە لێکەوتەی مەترسیداری دەبێت بۆ سەر ئاسایش و سەقامگیریی ناوچەکە، هاوسۆزیی عێراقی لەگەڵ گەلی لوبنان لەم تەنگانەیەدا دوپاتکردەوە و ئامادەیی عێراقیشی بۆ پێشکەشکردنی هەمو جۆرە هاوکارییەکی مرۆیی و پزیشکی بۆ بریندارەکان دەربڕی.
سەرۆك کۆماری عێراق پشتیوانی عێراقی بۆ چەسپاندنی ئاسایش و سەقامگیریی لوبنان دەربڕی و هەرجۆرە دەستدرێژییەکی بۆ سەر وڵاتەکە رەتکردەوە.
