ئاماری زیانەکانی ناوچەی پیشەسازی سلێمانی ئاشکرا دەکرێت
ئاگرگرتنى پاڵاوگهیهكى نایاسایی لهسهر رێگاى ههولێر گوێڕ | فۆتۆ: بهرگری شارستانى ههولێر
SNN
لە ئێوارەی رابردووەوە ئاگرێک لە یەکێک لە کۆگاکانی ناوچەی پیشەسازیی سلێمانی کەوتەوە و بەرەبەیانی ئەمڕۆ توانرا کۆنتڕۆڵبکرێت.
دیار ئیبراهیم بەڕێوەبەری بەرگریی شارستانیی سلێمانی رایگەیاند، بەرەبەیانی ئەمڕۆ ئاگرەکە کۆنتڕۆڵكراوە و قۆناغی پاککردنەوەی شوێنەکە دەستیپێکردووە.
وتیشی، کۆگایەک بە تەواوی سووتاوە و دوو کۆگای تەنیشتیشی زیانیان بەرکەوتووە، ئەو کەسەی کاری ئایزۆگامی کردووە و بووەتە هۆی کەوتنەوەی ئاگرەکە بە بڕیاری دادوەر راگیراوە.
لای خۆیەوە سامان نادر لێپرسراوی سەنتەری فریاکەوتنی سلێمانی راگەیاند، بەهۆی ئاگرەکەوە 13 کەس دۆخی تەندروستییان تێکچووە و تووشی تەنگەنەفەسی بوون، کە هەشت کەسیان هەر لە شوێنەکە چارەسەری پێویستیان بۆ کراوە و پێنجیان گەیەندراونەتە نەخۆشخانە بەڵام دۆخی تەندروستییان جێگیرە.
