پارتی و یەکێتی لە سلێمانی بۆ پێکهێنانی حکومەت کۆدەبنەوە

SNN

دڵشاد شەهاب، ئەندامی لیژنەی دانوستانکاری پارتی دیموکراتی کوردستان دەڵێت، ئەمڕۆ شەممە، 30ـی تشرینیی دووەمی 2024، شاندی دانوستاندکاری پارتی، سەردانی یەکێتیی نیشتمانیی کوردستان دەکەن لە شاری سلێمانی.

شاندی پارتی دیموکراتی کوردستان پێکهاتووە لە هۆشیار زێباری، سەرۆکی شاند و پشتیوان سادق، دڵشاد شەهاب، ئومێد سباح ئەندامانی شاند.

بەگوێرەی زانیارییەکان، قوباد تاڵەبانی، سەرۆکایەتیی وەفدی دانوستانکاری یەکێتیی نیشتمانیی کوردستان دەکات و هەریەکە لە رێواز فایەق، ئەندامی مەکتەبی سیاسی، رزگار حاجی حەمە، ئەندامی مەکتەبی سیاسی و سالار سەرحەد، ئەندامی سەرکردایەتیی یەکێتی ئەندامی وەفدەکەن.

لەبارەی ئەجێندای کۆبوونەوەیان، دڵشاد شەهاب دەڵێت، لە بەردەوامی دیدار و سەردانەکانیاندایە بۆ لای لایەنە سیاسییەکانی کوردستان بۆ گفتوگۆکردن سەبارەت بە پێکهێنانی کابینەی دەیەمی حکومەتی هەرێمی کوردستان و رێکارە یاساییەکانی دوای راگەیاندنی ئەنجامەکانی هەڵبژاردنی خولی شەشەمی پەرلەمانی کوردستان.